• Os clubs poden solicitar máis de 52.000 horas anuais para adestramentos, competicións, torneos e outros eventos

• Hoxe remata o prazo de reserva!

O Concello de Carballo mantén aberto ata hoxe, 6 de agosto, o prazo para que as entidades deportivas soliciten a reserva das instalacións municipais de cara á tempada 2026/2027.

A convocatoria ten como obxectivo garantir unha distribución equilibrada e eficiente dos equipamentos deportivos, atendendo ás necesidades das distintas entidades e favorecendo a conciliación dos horarios de adestramento e competición entre os clubs e as diferentes disciplinas.

En total, as entidades poderán solicitar o uso de 25 espazos deportivos municipais para desenvolver actividades entre setembro de 2026 e xuño de 2027.

A convocatoria pon á disposición do tecido deportivo local 1.072 horas semanais para adestramentos, que equivalen a 42.880 horas anuais, e outras 250 horas semanais para partidos de competición oficial, torneos e eventos deportivos, cun total de 10.000 horas anuais.

Deste xeito, o Concello ofrece máis de 52.000 horas anuais de uso das instalacións deportivas municipais, distribuídas entre pavillóns, campos de fútbol, piscinas, ximnasios de centros educativos e pistas polideportivas.
Os 25 espazos incluídos na convocatoria distribúense do seguinte xeito:

Oito pavillóns deportivos
• Pavillón Vila de Noia
• Pavillón Carballo Calero
• Pavillón do CEIP Fogar
• Pavillón do CEIP Plurilingüe Gándara-Sofán
• Pavillón do CEIP Xesús San Luís Romero
• Pavillón do CEIP Plurilingüe Nétoma-Razo
• Pavillón do IES Monte Neme
• Pavillón do IES Parga Pondal

Oito campos de fútbol
• Campo de fútbol das Eiroas Principal 1
• Campo de fútbol das Eiroas Principal 2
• Campo de fútbol das Eiroas Anexo 1
• Campo de fútbol das Eiroas Anexo 2
• Campo de fútbol 8 das Eiroas
• Campo de fútbol das Pedreiras
• Campo de fútbol do Carral-Sofán Principal 1
• Campo de fútbol do Carral-Sofán Principal 2

Dúas piscinas
• Piscina Vila de Noia
• Piscina Carballo Calero

Seis ximnasios de centros educativos
• Ximnasio do CEIP Fogar 1
• Ximnasio do CEIP Fogar 2
• Ximnasio do CEIP A Cristina
• Ximnasio do CEIP Xesús San Luís Romero
• Ximnasio do IES Parga Pondal
• Ximnasio do CEIP Bergantiños

Unha instalación con dúas pistas polideportivas
• Pistas polideportivas do Chorís

As entidades interesadas deberán presentar a correspondente solicitude indicando as súas necesidades de uso, tanto no referido ao número de horas como aos espazos deportivos que precisan.

Unha vez rematado o prazo, o Servizo Municipal de Deportes procederá á valoración das solicitudes e á elaboración do calendario de ocupación das instalacións, de acordo cos criterios establecidos nas bases reguladoras.

As bases da convocatoria, a documentación necesaria e toda a información relativa ao procedemento están dispoñibles no Servizo Municipal de Deportes e na sede electrónica do Concello de Carballo.

Con esta convocatoria, o Concello reafirma o seu compromiso co tecido deportivo local e coa promoción da actividade física, facilitando unha planificación ordenada, transparente e equitativa dunhas instalacións que cada tempada acollen milleiros de horas de práctica deportiva, desde o deporte de base e escolar ata as competicións federadas.