 Será no 11 de xullo, en horario de tarde

O Concello de Ribeira promove a terceira xuntanza de esculturas de area que conta coa colaboración de diversas empresas locais. Esta primeira cita para o verán de 2026 desenvolverase no 11 de xullo, de 16.30 a 20.30 horas, na praia do Porto, coincidindo coas festas de Aguiño, tal e como desvelaron o concelleiro de Mar e Promoción do Litoral, Fernando Abraldes, xunto ao coordinador da actividade por Píntega das Dunas, José Antonio Paz; e a presidenta de Ágape, Ana Ruth Arnoso.

Trátase dunha actividade dirixida a rapazada con idades comprendidas entre os 3 e 12 anos, xunto ás súas familias. “Damos continuidade a esta actividade debido ao seu éxito cada verán e xa estamos traballando en novas xuntanzas noutros areais do noso municipio. Esta é unha forma diferente de poñer en valor o noso litoral cunha actividade lúdica dirixida aos máis pequenos, para que teñan oferta de ocio a desenvolver en conxunto coas familias. E, ademais, potencia a súa creatividade ao botar man da inventiva para crear figuras vinculadas ao mar. A praia do Porto estará tomada neste 11 de xullo polos seres que xuran da imaxinación da nosa rapazada”, explica o edil.

As esculturas unicamente poderán ser realizadas con material e utensilios propios da praia como caldeiros, pas ou rastros e só se permite a auga como método para aglomerar a area.

O equipo de Ágape exercerá de xurado das esculturas, repartindo tres premios elaborados por SonAgasallo ás mellores creacións e outras novidades en canto a distincións que serán desveladas no propio día do evento.

As inscricións realizaranse na oficina de Turismo con teléfono de contacto 981 873 007.