O Conservatorio Profesional de Música (CMUS) de Carballo vén de facer pública a súa oferta definitiva de prazas vacantes para o vindeiro curso escolar 2026/2027. En total, o centro municipal disporá de 38 novas vacantes distribuídas entre as súas doce especialidades, das cales 14 corresponden ao grao elemental e 24 ao grao profesional.

A oferta de vacantes deste ano abrangue unha ampla variedade de disciplinas e familias musicais, garantindo a continuidade da aprendizaxe e a captación de novo talento na comarca. A listaxe oficial inclúe vacantes en clarinete (5), violín (5), trombón (4), frauta (4), percusión (3), piano (3), saxofón (3), violoncello (3), acordeón (2), viola (2), trompeta (2), guitarra (1) e trompa (1).

O CMUS tamén está a realizar os exames de ingreso a 1º curso. A semana pasada realizáronse as probas para os/as aspirantes a grao profesional, e para hoxe martes, ás 17.00 horas, están convocados/as os/as de grao elemental. Para obter máis información detallada, as persoas interesadas poden poñerse en contacto coa secretaría do centro municipal.