Máis de 10.600 persoas participaron no programa de ocio alternativo dende finais de 2011, alcanzando unha participación media do 93%
O concelleiro de Educación, Deportes e Xuventude, Francisco Mourelo, presentou unha nova edición de Nocturnia, o programa municipal de ocio alternativo dirixido a mozos de entre 12 e 30 anos e que hoxe abre o seu prazo de inscrición. En concreto, na súa sétima edición, que comprende o último trimestre do ano, ofértanse 955 prazas para as 40 actividades que se realizarán entre o 31 de outubro e o 13 de decembro.
“O programa de ocio da Concellaría mantén a súa aposta polas artes escénicas, a práctica deportiva, a sostibilidade a través da reciclaxe e o descubrimento da cidade e a súa historia a través de propostas lúdicas serán o marco das actividades cuxo deseño e planificación foi posible grazas á participación de 25 asociacións -xuvenís, culturais e deportivas-, colectivos e entidades, foron un piar fundamental no seu deseño e planificación”, explicou Mourelo.
O concelleiro responsable da área de Xuventude destacou que, en total, durante o ano 2014 se terán ofrecido 3.425 prazas, un 30% máis que as 2.625 de 2012.
“Nocturnia consolídase como un programa de extraordinaria acollida, grazas ao modelo de participación directa que establecemos dende o principio. Neste sentido, e tendo en conta esta filosofía, nesta edición quixemos render homenaxe aos mozos que participan nas actividades facéndoos protagonistas da campaña. Así, son eles e elas, novos de 12 a 30 anos seguidores de Nocturnia e as súas propostas, os que poñen cara ao programa baixo o lema Facemos algo esta noite?, tras participar nunha divertida sesión fotográfica no mes de setembro”, destacou Mourelo, quen explicou que a sesión fotográfica será o eixe da exposición que se inaugurará o próximo 3 de novembro sobreNocturnia, mozos e ocio que pretende homenaxear e visibilizar as persoas que rodean e que fan posible este programa.
Como en anteriores ocasións, o programa de ocio alternativo incluirá actividades físico
– deportivas como zumba, jugger ou sendeirismo; lúdico – recreativas como cociña do mundo, talleres de elaboración de produtos artesanais e customización ou de elaboración de bebidas; formativas – tecnolóxicas como distintos talleres de fotografía; ou artístico – creativas, que inclúen iniciativas relacionadas co baile, maquillaxe, gravado, cestaría, maquetas ou cabaré. A iniciativa arranca o próximo venres, 31 de outubro, e a inscrición pode realizarse, a partir de hoxe, na páxina web de Xuventudewww.coruna.es/nex e, posteriormente, a mesma semana -de domingo a xoves- previa á celebración das actividades.
O peche do programa poñerao a actuación de Los Duguis Impro, o 13 de decembro na Ágora, co seu espectáculo Cadena Impropetuano que, ademais do público asistente, acudirán os participantes do Taller de improvisación, impartido por este colectivo en Nocturnia.
O programa municipal de ocio dirixido a mozos, no que participaron máis de 10.600 persoas dende finais de 2011, contou cunha valoración do 8.5 sobre 10 por parte dos usuarios e unha ocupación media superior ao 93%. De feito, ante a demanda de propostas xuvenís durante o verán, o programa incrementouse tamén durante os meses de xullo e agosto, contando cunha ocupación do 100% das prazas ofertadas nas súas dúas edicións: 2013 y 2014.
