 Repartíronse un total de 12 baldes para chegar a máis cidadanía

O Concello de Ribeira segue na súa aposta de reforzar a reciclaxe coa entrega de 12 caldeiros á Asociación de Veciños de Carreira para depositar residuos orgánicos no colector marrón.

A este respecto, o concelleiro de Medio Ambiente, Víctor Reiriz, explica que, “se ben é unha acción simbólica, trátase de seguir sensibilizando e incidindo no seu uso por parte da cidadanía. Nesta ocasión, fixémosllo chegar a unha entidade con numerosos integrantes para chegar a parte dos veciños e veciñas de Carreira.” O edil convida a toda a poboación a implicarse na redución do peso da fracción do resto e botar man das ferramentas que pon a Administración local á súa disposición e avanzar así cara unha sociedade máis verde.

Cómpre lembrar que no colector marrón unicamente deberán depositarse residuos orgánicos tales como os restos de froita, verdura, carne e peixe, cunchas de mariscos ou froitos secos, restos de pan, café, infusión, papel de cociña, restos de plantas ou cortizas.