 O prazo de inscrición aínda está aberto

A praia de Riazor converterase en escenario da quinta edición do Campionato de Futevolei que se desenvolverá no sábado, 6 de xuño, a partir das 10.00 horas.

O concelleiro de Deportes, Álex Vidal, ratificou o apoio da Administración local a este evento que visibiliza un deporte minoritario, pero “de gran vistosidade” ao ser xogar ao vólei praia cos pés, de aí o seu nome. Esta actividade “pon en valor os nosos areais e o noso deporte”, apuntou.

Pola súa parte, José Vicente Domínguez, ‘Chento’, organizador do campionato e integrante do club Futevolei Vigo, que conta con agrupación na comarca. Segundo indicou, polo de agora, está confirmada a participación dunha trintena de xogadores procedentes, principalmente, de Vigo, pero tamén de países como Portugal ou Brasil. Ademais, a proba diferénciase en dous niveis: iniciación e avanzado.

Aínda está aberto o prazo de inscricións, cunha contía establecida de 10 euros, a través do whatsapp 619625202. Está dirixido a persoas maiores de 17 anos. No importe está incluído o avituallamento e o xantar.