• O contrato ascende a 16.925,02 euros (IVE incluído) e contempla unha limpeza xeral inicial dos areais, así como o mantemento diario posterior, incluíndo a recollida de desperdicios e outros residuos durante toda a tempada.

• A alcaldesa, Ana María López, destaca que “esta actuación permite reforzar o compromiso do Concello co coidado da contorna e a calidade ambiental do noso litoral, garantindo uns espazos limpos, seguros e adecuados para o desfrute de todos”.

O Concello de Cariño publicou a licitación do servizo de limpeza de praias para a tempada estival de 2026, un contrato fundamental para garantir o bo estado e mantemento dos areais do municipio durante os meses de maior afluencia de visitantes.
A actuación conta cunha subvención concedida pola Deputación dá #o Coruña por un importe total de 16.925,02 euros. Esta axuda permitirá financiar integramente o servizo de limpeza de praias do municipio.

O contrato contempla unha limpeza xeral inicial dos areais, con retirada de residuos e arrastres acumulados durante o inverno, así como o mantemento diario posterior, incluíndo a recollida de desperdicios e outros residuos durante toda a tempada. A licitación terá unha duración de dous meses e medio, cun orzamento basee que ascende a 13.987,61 euros, máis 2.937,41 euros de IVE.

A alcaldesa de Cariño, Ana María López, destacou a importancia deste servizo para o municipio: “As praias son un dos principais atractivos naturais e turísticos de Cariño, e é fundamental mantelas nas mellores condicións tanto para os nosos veciños e veciñas como para as persoas que nos visitan durante o verán”.

A rexedora engadiu que “esta actuación permite reforzar o compromiso do Concello co coidado da contorna e a calidade ambiental do noso litoral, garantindo uns espazos limpos, seguros e adecuados para o desfrute de todos”.