O concelleiro de Economía e Planificación Estratéxica, José Manuel Lage, participou na inauguración do acto no Museo Domus

O concelleiro de Economía e Planificación Estratéxica, José Manuel Lage, participou hoxe no acto de apertura XXVI Curso de Inspección e Actualidade Tributaria Local, un encontro nacional de profesionais e expertos do sector da administración tributaria que está a desenvolverse no Museo Domus entre hoxe e mañá, cun cartel que inclúe charlas e mesas redondas acerca de cuestións como as novidades xurisprudenciais e normativas no ámbito da inspección, xestión e recadación ou políticas recentemente adoptadas por administracións municipais como as taxas de lixo ou a taxa turística, así como a aplicación de tecnoloxías como a IA na búsqueda dunha maior eficiencia e rapidez admnistrativa.
“A política non existe sen política fiscal. A política fiscal é o cimento de calquera política. Sen política fiscal non existiría o estado do benestar que caracteriza ás nosas sociedades europeas. Por iso son tan importantes citas como a que hoxe inauguramos neste acto, porque sen a correcta xestión dos tributos, única fonte de financiamento do sector público, non se poden desenvolver accións de goberno eficaces”, subliñou José Manuel Lage na súa intervención.