O novo Tanatorio Apóstolo Oleiros incorpora a primeira experiencia de columbario exterior de Galicia e aposta por espazos máis humanos, luminosos e pensados para o benestar emocional

Os espazos funerarios evolucionan e Oleiros será un dos primeiros municipios galegos en incorporar un novo modelo de tanatorio pensado para humanizar a despedida. Tanatorio Apóstolo Oleiros abrirá oficialmente as súas portas o próximo 29 de maio cunha proposta que aposta pola arquitectura contemporánea, a integración da natureza e o benestar emocional das familias.

Con máis de 30 anos de experiencia no sector funerario, Tanatorio Apóstolo impulsa en Oleiros un proxecto que rompe coa imaxe tradicional dos tanatorios para dar paso a espazos máis luminosos, tranquilos e próximos, concibidos para xerar calma e acompañamento nun dos momentos máis delicados para as persoas.

O novo centro incorporará ademais a primeira experiencia de columbario exterior ao aire libre de Galicia, integrando natureza e recordo nunha contorna pensada para o recollemento e a serenidade. “Queriamos crear un lugar onde as familias sentisen acompañadas desde a proximidade, a calma e o respecto. Un espazo máis humano, máis aberto e pensado para as necesidades emocionais de hoxe”, destacan desde Tanatorio Apóstolo.

O novo Tanatorio Apóstolo Oleiros contará con servizos funerarios integrais, crematorio propio con tecnoloxía avanzada de última xeración, servizo de florería, traslados nacionais e internacionais e xestión documental, alén de instalacións deseñadas para favorecer a intimidade e o acompañamento familiar.

A apertura responde tamén á transformación que está a vivir o sector funerario, no que as familias demandan cada vez máis servizos personalizados e contornas emocionalmente coidadas, afastados da concepción tradicional deste tipo de instalacións.

A inauguración oficial terá lugar o próximo 29 de maio ás 19.00 horas nas novas instalacións situadas en Rúa Fonte do Ouro, 32, Iñás (Oleiros), nun acto aberto ao público previa inscrición. As persoas interesadas en asistir poden reservar praza a través do teléfono 981 621 992 ou do correo electrónico info@funerariaapostol.com.

Alén do novo centro de Oleiros, Tanatorio Apóstolo conta actualmente con instalacións en Arteixo, Culleredo e Sada.