• O goberno local asinou onte, fóra de prazo, a solicitude dos 700.000€ adicionais do SAF despois de negar durante días que fose necesario pedilos
• Izaskun García: “Primeiro negárono, despois atacaron ao PP e agora fan o trámite que dicían que non facía falta. Rioboo quedou de novo en evidencia”

O goberno de José Ramón Rioboo terminou facendo exactamente aquilo que negou publicamente e polo que chegou mesmo a acusar ao PP de “mentir” e “manipular”. Apenas tres días despois de que os populares denunciasen que Culleredo non se adherira ao acordo Xunta-FEGAMP para incrementar o financiamento do Servizo de Axuda non Fogar (SAF), o executivo local asinou este luns, ás 13.58 horas, a resolución número 1212 necesaria para solicitar formalmente eses fondos. Para a portavoz do PP de Culleredo, Izaskun García, #ocorrer “é o retrato perfecto do desgoberno e do esperpento político no que Rioboo ten instalado ao Concello”.
O pasado venres 8 de maio, o PP alertou de que Culleredo era o único municipio da provincia que non tramitara a súa adhesión ao convenio histórico asinado entre a Xunta e a FEGAMP, un acordo que incrementa un 50% o financiamento autonómico do SAF e que supoñía preto de 700.000 euros adicionais para reforzar a atención domiciliaria a maiores e persoas dependentes.
Lonxe de recoñecer o problema, o goberno local respondeu atacando ao PP, acusándoo de “terxiversar”, “manipular” e actuar con fins electoralistas. Ademais, asegurou publicamente que eses fondos “correspondían por defecto” ao Concello e que non era necesario realizar ningún trámite para recibilos. Con todo, o propio goberno municipal asinou onte mesmo unha resolución da Concellaría de Cohesión Social para manifestar formalmente ante a Xunta a súa vontade de acollerse ao incremento de financiamento autonómico. “Primeiro negaron a realidade. Despois insultaron ao PP. E agora fan exactamente aquilo que denunciabamos. Rioboo quedou completamente en evidencia”, afirma Izaskun García.
A portavoz popular subliña ademais que a resolución chega fóra de prazo, xa que a orde publicada o pasado 27 de marzo establecía un mes para formalizar a adhesión, prazo que finalizou o 27 de abril. “Gráveo xa non é só que cheguen tarde. Gráveo é que, mentres perdían o tempo atacando ao PP, Culleredo pon en risco 700.000 euros fundamentais para atender aos nosos maiores e dependentes e apoiar as súas familias”, sinala.
García lembra tamén que o contrato do SAF continúa caducado desde 2017, unha situación que, ao seu xuízo, evidencia “un modelo esgotado de improvisación permanente, falta de planificación e caos administrativo”. “Igual que ocorreu co urbanismo, cos convenios, coas subvencións ou con tantos proxectos paralizados, o goberno de Rioboo volve reaccionar tarde e mal. Culleredo non pode seguir atrapado nesta política de escusas, rectificacións e desgoberno constante”, advirte.