Cunha espectacular operación cunha grúa de grandes dimensións comezaron esta mañá as obras de reparación do noiro de Naval. Ademais de reconstruír e fortalecer as bases do muro destruído polos temporais, vanse colocar uns grandes bloques de formigón para asegurar o terreo.

Como consecuencia dos fortes e persistentes temporais deste inverno, partiuse o muro que construíu o Concello no 1987, producíndose un importante desprendemento de terra, duns 500 metros, polo que urxía realizar esta obra. O investimento é de 142.326,41 euros, que o Concello reclamará a Costas por non tratarse dunha competencia municipal.