O alcalde de Frades en funcións, Manuel Ferreiro Marzoa, e Mario Agustín Pérez Moya, en calidade de representante do Arcebispado de Santiago, asinaron esta mañá no salón de plenos de Cimadevila a renovación do convenio de colaboración para promover e conservar o patrimonio cultural do municipio, asinado o ano pasado.

Un convenio a través do cal o Concello de Frades destinará 6.000 euros a levar a cabo tarefas de mantemento e conservación nas parroquias de Mesos, Ledoira e Céltigos.