Alternativa realizará charlas informativas nas parroquias de Sergude e As Travesas afectadas polas novas sendas que a Xunta de Galicia está a crear no Camiño Ingles.

As charlas están orientadas a trasladar á veciñanza o novo trazado previsto, as posibles afeccións ás propiedades, posibles expropiacións e os prazos e procedemento para a presentación de alegacións.

Os encontros celebraranse nas seguintes datas e localizacións:

– Xoves 23 de abril ás 20 horas No Local social de Sergude
– Venres 24 de abril ás 20 horas no local As Avelinas, As Travesas.

Alternativa subliña a importancia de que a veciñanza dispoña de información clara e accesible sobre este tipo de actuacións especialmente cando poden ter impacto directo no territorio e propiedades.

Por iso, animan ás persoas interesadas a participar nestes encontros, co fin de resolver dúbidas e coñecer de primeira man todos os detalles antes de que remate o prazo de alegacións.