Cé Orquestra Pantasma, de Os Fíos do Querer fará as ledicias de todas as familias asistentes ao espectáculo que terá lugar no auditorio do Centro Cultural A Fábrica (Perillo) o domingo 19 de abril ás 12:00 horas.

Cé Orquestra Pantasma, partir da personaxe de home orquestra, ofrece desta volta un formato musical agarimoso apto para a sensibilidade da primeira infancia. O emprego da voz e actitude de confianza, o suave e rítmico acompañamento musical do ukelele e do seu trebello sonoro para as costas, ademais das misteriosas árbores de axóuxeres que acompañan estética e harmoniosamente, conseguen namorar a miúdos e grandes desde o comezo do espectáculo.

A actividade ten unha duración de 45 minutos e está dirixida a familias con crianzas de 0 a 3 anos. As inscricións poderán realizarse a través do formulario web habilitado ao efecto a partir do 13 de abril. Terán preferencia as familias inscritas no programa Apego do Concello de Oleiros.

Máis información no Servizo de Normalización Lingüística municipal.