A delegada da Xunta da Coruña, Belén do Campo, participou esta mañá en Betanzos no acto de corte de cinta da proba Comarca Brigantina – Camiño de Santiago, unha cita deportiva de referencia, que contou coa colaboración da Xunta e que forma parte da Copa de España de Féminas 2026.

A competición, organizada polo Club Ciclista Betanzos en colaboración cos concellos de Betanzos, Paderne, Bergondo e Miño, está incluída no calendario da Real Federación Española de Ciclismo (RFEC) e desenvolverase conforme aos regulamentos da UCI e da propia federación estatal.

A proba reuniu a destacadas ciclistas do panorama nacional, outorgando puntos para o ranking da RFEC ás 25 primeiras clasificadas, o que reforza o seu carácter competitivo e a súa relevancia dentro do calendario estatal.