― Trátase de actuar nas estradas VG-1.3, AC-161, AC-162, AC-163, AC-164, AC-173, AC-183, AC-230, AC-408 E AC-409, ao seu paso polos concellos de Bergondo, Betanzos, Oleiros, Sada, Ordes, Cerceda e Oza-Cesuras

― As empresas interesadas poderán presentar as súas ofertas ata o 27 de abril

― Esta intervención ten como obxectivo mellorar as características funcionais e a seguridade viaria en distintos treitos destas vías autonómicas, que suman os algo máis de 28,6 quilómetros de lonxitude

― A Xunta segue a traballar pola mellora das características da rede actual de estradas da súa titularidade, supoñendo un menor custo de mantemento a longo prazo e unha mellora da seguridade viaria

A Consellería de Vivenda e Planificación de Infraestruturas, a través da Axencia Galega de Infraestruturas, vén de licitar por máis de 3,5M€ (3.539.798,78€), as obras de reforzo do firme nas estradas de titularidade autonómica VG-1.3, AC-161, AC-162, AC-163, AC-164, AC-173, AC-183, AC-230, AC-408 E AC-409, ao seu paso polos concellos de Bergondo, Betanzos, Oleiros, Sada, Ordes, Cerceda e Oza-Cesuras.

A Plataforma de Contratos Públicos de Galicia ten publicada esta contratación, á que as empresas interesadas poderán presentar as súas ofertas ata o 27 de abril. Os traballos contan cun prazo de execución de catro meses.

Trátase de rehabilitar a capa de rodaxe para mellorar as condicións de circulación nos distintos treitos destas estradas. Os traballos permitirán a rehabilitación do firme nos distintos treitos destas dez vías de titularidade da Xunta, con distintas actuacións, restaurando as características do pavimento, e adecuando as súas necesidades funcionais e de durabilidade.

En concreto, as actuacións de reforzo de firme levaranse a cabo nos seguintes treitos das vías da Xunta: na AC-161 (do punto quilométrico 0+000 ao 0+800), na AC-162 (do quilómetro 0+980 ao 4+390), na AC-163 (do 1+840 ao 5+880), na estrada AC-164 (do 3+900 ao 5+350), na AC-173 (do 4+460 ao 9+350), na AC-183 (do 0+720 ao 6+580), na estrada AC-230 (do 6+020 ao 8+060), na AC-408 (do 0+250 ao 2+100), na AC-409 (do 8+000 ao 9+100), e na VG-1.3 (do punto quilométrico 0+010 ao 3+200) e dous accesos.

En total os treitos nos que se prevé actuar suman os algo más do 28,6 quilómetros de lonxitude entre as dez estradas.