Alternativa dos Veciños, xunto coa veciñanza, denunciou en reiteradas ocasións os graves problemas de inundacións na estrada DP-2106, ao seu paso polo lugar de Taramuño (San Vicente de Vigo), provocados polo mal estado e a falta de mantemento das cunetas.

A insistencia nas demandas tradúcese agora no inicio das actuacións destinadas a solucionar esta problemática, unha situación que afectaba recorrentemente á zona.

Dende Alternativa valoran positivamente a intervención impulsada pola Deputación de A Coruña, que permitirá dar resposta á problemática veciñal trasladada polo grupo nos últimos meses.