A actividade desenvolverase os días 30 e 31 de marzo e o 1 de abril, e está dirixida a nenos e nenas nacidos entre 2014 e 2022.

O prazo de preinscrición abrirase o vindeiro luns, 16 de marzo, ás 9:00 horas.

O Concello de Miño poñerá en marcha un campamento de conciliación durante as próximas vacacións escolares de Semana Santa. Esta iniciativa ten como obxectivo principal facilitar o equilibrio entre a vida laboral e familiar dos veciños e veciñas durante os días non lectivos, e levará a cabo os días 30 e 31 de marzo, e o 1 de abril.

O campamento está destinado a menores nados entre os anos 2014 e 2022 (ambos os incluídos). Para poder optar a unha praza, establécense dúas vías de acceso: os nenos e nenas deberán estar empadroados no municipio de Miño ou, na súa falta, ser fillos ou fillas de proxenitores que traballen actualmente dentro do termo municipal.

Esta actividade conta co financiamento e o apoio do Plan Corresponsables da Xunta de Galicia, un programa deseñado para impulsar políticas de conciliación desde o ámbito local.
O goberno local informa que o prazo de preinscrición abrirase o próximo 16 de marzo a partir das 9:00 horas e permanecerá activo ata o 23 de marzo, inclusive.

Desde o Concello anímase a todas as familias interesadas a estar atentas á apertura do prazo para garantir a súa participación e poder organizar as súas xornadas laborais e de coidados durante as datas de Semana Santa.