Con grande asistencia de público celebrouse hoxe a Feira de Orientación Académica e Profesional de Oleiros, que na súa quinta edición exhibiu a oferta formativa de 34 entidades, entre as que se atopan Universidades, centros de FP, escolas públicas e privadas de distinta índole (hostalería, finanzas, pilotos e azafatas, imaxe e son, artes gráficas, escolas de deseño…), academias de oposicións, Forzas Armadas e residencias universitarias.

 

Todas elas mantiveron postos de información durante todo o día sobre as diferentes alternativas académicas e profesionais a disposición do alumnado.

 

Entre as 9.30 a 13.30 horas, uns 600 alumnos dos catro centros de ensinanza secundaria de Oleiros, acompañados por mestres e orientadores, visitaron a Feira en distintas quendas, que estaba exclusivamente dedicado a este alumnado. Pola tarde, o evento abriuse a todo o público interesado.

 

O encontro foi organizado polo Concello de Oleiros coa colaboración dos departamentos de orientación dos catro centros de ensinanza secundaria: Neira Vilas, María Casares, Miraflores e Hijas de Cristo Rey.