O centro social polivalente de Brión acollerá mañá venres 27 de febreiro, ás 20:30 horas, o espectáculo “De nome Rosalía”, do Grupo Ouriol. Trátase dun recital multidisciplinar que mestura palabra, música e imaxe da man dos artistas Eva Veiga, Bernardo Martínez, Fito Ares e Alfonso Costa sobre poesías de Rosalía de Castro, especialmente dos libros Cantares Gallegos e Follas Novas. Entrada libre e de balde ata completar aforo.