O ente autonómico non deu sinais de vida tras as inundacións do Gándara ou o Mero
Tras o temporal de choiva que arrasou ao municipio este mesmo mes, o goberno local de Cambre denuncia o deixamento por parte de Augas de Galicia sobre a consecuencias das altas precipitacións que afectaron gravemente ao paseo fluvial, do que é titular a entidade autonómica, ou a canle do río, que presenta zonas completamente cubertas de malezas, árbores caídas e mesmo residuos materiais. ?Se Augas de Galicia non limpa a canle do río, este volverase a desbordar polo seu mota e causará as inundacións ás que desgraciadamente estamos afeitos?, apuntou o alcalde, Óscar García Patiño.
O goberno local tratou este tema hai meses coa titular de Medio Ambiente e Ordenación do Territorio, Beatriz Mato, que se comprometeu a facerlle chegar ao alcalde, Óscar García Patiño, un borrador novo do convenio polo que o concello faríase cargo da limpeza da mota do río. Con todo, o concello solicitou oficialmente en máis de cinco ocasiones que se lle remitise ese convenio e aínda non chegou nada ao Concello.
O alcalde lembra que o municipio sufriu graves consecuencias tras as inundacións e só Emalcsa púxose en contacto co municipio para coñecer as incidencias e achegar solucións aos problemas causados pola auga. “Ninguén de Augas de Galicia veu a Cambre a ver o estado da canle do río, a saber por que causou tantos danos esta vez o Gándara por exemplo. Só Emalcsa preocupouse da situación”.
