· A intervención, que conta cun orzamento de 275.106,98 euros, modernizará e fará máis cómodas as instalacións para o seu uso por parte de entidades e veciños.

· O proxecto deseñouse para conseguir unha integración completa do edificio coa contorna do parque.

Despois de varias semanas esperando a que as condicións meteorolóxicas permitisen realizar os traballos nas condicións adecuadas de seguridade, o Concello de Bergondo iniciou as obras de reforma e ampliación do Centro Sociocultural de Mariñán. O proxecto conta cun orzamento total de 275.106,90 euros e está financiado con fondos municipais a través dun suplemento de crédito.

A intervención prevista consiste nunha mellora global do edificio a nivel de accesibilidade, de confort enerxético e de uso. O obxectivo principal do Concello é que as entidades e veciños da zona teñan á súa disposición unhas instalacións máis modernas e cómodas, podendo realizar un uso diario destas.

Ademais, de forma complementaria, levará a cabo unha ampliación para darlle unha nova función: un almacén para cazadores, atendendo ás demandas do colectivo de contar cun espazo adecuado para desenvolver a súa actividade.

As actuacións previstas no edificio existente son: a súa mellora enerxética cun illamento e unha dobre folla de carpintería exterior complementada con trasdosado interior; limpeza e mantemento da cuberta cun retejado de pezas en mal estado e substitución de canlóns; execución dun novo acceso na planta baixa a través dunha praza con bancadas; creación dunha soleira ventilada; substitución das carpinterías interiores; aseos adaptados en ambas as plantas; recolocación do almacén da primeira planta para definir unha aula rectangular vinculada ao novo acceso; adaptación das instalacións de electricidade, fontanería, calefacción e saneamento, e creación dunha zona de drenaxe debaixo dos canlóns.

Doutra banda, a ampliación destinada a almacén farase de forma respectuosa, separada do edificio existente e integrada coa contorna ao usar muros de formigón con textura de cañizo. Conservarase o acceso rodado de planta baixa, crearanse accesos independentes e unha rampla, e crearase unha zona de drenaxe.

O proxecto deseñouse para conseguir unha integración completa do edificio coa contorna do parque, incluso habilitando unha zona de encontro con fisionomía de praza na parte superior da zona na que estará situado o novo almacén e que terá acceso directo á primeira planta do local social.

Desde o goberno local consideran que “esta é unha actuación moi ambiciosa, que supón unha reforma integral do edificio para dotalo de novos usos para a veciñanza e, ademais, permítenos crear un novo espazo para que vos cazadores teñan unhas instalacións adecuadas para desenvolver a súa actividade”.

Ademais, lamentan que “desde a oposición tentasen entorpecer ou desmerecer este proxecto, difundindo entre vos cazadores que era mentira que se ía crear unha zona de almacén como fixo ou voceiro do Partido Popular ou directamente opoñéndose ao proxecto non caso do BNG”.