A Mesa Local de Comercio vén de celebrar unha xuntanza para aprobar as iniciativas programadas para este ano polo Centro Comercial Aberto (CCA) e a Asociación de Xóvenes Empresarios de Bergantiños (Axober).
A proposta do CCA, que foi aprobada por unanimidade, inclúe as seguintes actividades:
• Rebaixas de inverno
• Campaña Namórate do teu comercio
• Día do pai
• Feira das Oportunidades, que se desenvolverá do 6 ao 8 de marzo. O programa concreto tamén recibiu o visto bo da mesa. A feira contará con 27 expositores no interior da carpa e entre seis e oito no exterior, e ademais volverá celebrarse a pequefeira.
• Feira Biosaúde (9 e 10 de maio)
• Día da nai
• Que rule, que rule!!!
• Campaña de verán O prezo xusto
• MercaEdillo, previsto para o 12-13 de setembro
• Campaña de volta ao cole
• Samaín
• Black Friday
• Campaña de Nadal
• Actividades formativas
• Actividade de promoción e dinamización en redes sociais
• Participación en campañas institucionais
• Colaboracións e patrocinios
Tamén foi aprobado de xeito unánime o calendario de actividades de Axober, que inclúe as seguintes propostas:
• Bergantiños, 0 emisións. Segunda edición do evento, que se ampliará de un a tres días, previsiblemente entre o 5 e o 7 de xuño.
• Berocasión. Feira de vehículo de ocasión, inicialmente programada para a fin de semana do 28 a 30 de agosto.
• Feira de hostalería, en estudo.
Na sesión deuse conta da recente creación da asociación A Praza, que agrupa aos profesionais do mercado municipal, e que ten previsto solicitar a súa inclusión na Mesa Local de Comercio, o cal implicaría tamén a necesidade de dar entrada a un/ha novo/a representante da corporación.
A Mesa Local de Comercio estivo presidida polo concelleiro de Promoción Económica e Turismo, Xosé Regueira, e contou coa participación de Yolanda Antelo Cameán, en representación do Centro Comercial Aberto (CCA); Kelly Villar Cancela, da Asociación de Xóvenes Empresarios de Bergantiños (Axober); Ramón Varela Rodríguez, concelleiro de Feiras, Mercados, Contratación e Participación Veciñal; Beatriz Neira Varela, en representación do grupo municipal do Partido Popular, e Belén Hevia Ramos, en representación da Xunta de Galicia, que participou por vía telemática. Actuou como secretario Vítor Recarei Añón, funcionario do Concello de Carballo.