En total, concedéronse axudas por importe de 1.970.000 euros, destinándose 1.850.000 euros aos clubs e sociedades anónimas deportivas e 120.000 euros ás agrupacións deportivas escolares coorganizadoras da campaña do deporte escolar da Secretaría Xeral para o Deporte
O Diario Oficial de Galicia vén de publicar a Resolución coas listaxes definitivas de subvencións a entidades deportivas da Secretaría Xeral para o Deporte.
Estas subvencións foron convocadas pola Resolución do 5 de novembro de 2015 para clubs deportivos, sociedades anónimas deportivas e agrupacións deportivas escolares de Galicia para o desenvolvemento de actividades deportivas.
En total, concedéronse axudas por importe de 1.970.000 euros (70.000 euros máis que na anterior convocatoria), destinándose 1.850.000 euros aos clubs e sociedades anónimas deportivas e 120.000 euros ás agrupacións deportivas escolares coorganizadoras da campaña do deporte escolar da Secretaría Xeral para o Deporte.
En relación ao número de beneficiarios, no que respecta aos clubs e sociedades anónimas deportivas, valoráronse un total de 1539 solicitudes, resultado beneficiarias 1204, o que supón 113 solicitudes beneficiarias máis que na anterior convocatoria. Ao respecto das agrupacións deportivas escolares, resultaron beneficiarias as 26 entidades solicitantes.
Os beneficiarios dispoñen de prazo para solicitar o cobro e xustificar a subvención, dende xoves 21 de abril, ata o venres 20 de maio de 2016.
http://deporte.xunta.gal/index.php?idMenu=67&int1=3064&idIdioma=2
