O Concello de Oleiros organizará a tradicional festa de entroido o venres 20 de febreiro, coa orquestra Os Satélites. No concurso de disfraces repartiranse 5.200 euros en premios. Será en Santa Cruz, no pavillón Arsenio Iglesias, e comezará a media tarde.

O concurso de disfraces contará con categorías de grupos, individuais e parellas. Na categoría grupos haberá un primeiro premio de 1.500€, un segundo de 1.000€, dous terceiros de 500€ e un accésit de 400€. Na categoría individual e parellas o primeiro premio será de 400€, o segundo de 300€, haberá dous terceiros de 200€ e dous accésit de 100€.

Proximamente abrirase o prazo de inscrición na web municipal, onde tamén se poderán consultar as bases do concurso.

Ademais desde o sábado 14 de febreiro ata o sábado 21 do mesmo mes, haberá festas de entroido en todas as parroquias do municipio organizadas polas entidades veciñais: animación infantil , chocolatadas, bailes de disfraces, queima do entroido, degustación de doces típicos do entroido e moito máis.

Festas de entroido nas parroquias:

– Lorbé: Sábado 14 – 17:00h – Casa do pobo

– Iñás: Luns 16 – 18:00h – Casa do pobo
– Dorneda: Luns 16 – 17:30h – Casa do pobo
– Oleiros: Luns 16 – 18:00h – Casa da República

– Perillo: Martes 17 – 17:00h – Pista polideportiva II República
– Dexo: Martes 17 – 17:30h – Casa do pobo
– Nós: Martes 17 – 17:00h – Praza da Liberdade

– Santa Cruz: Sábado 21 – a partir das 17:00h – Centro Cívico
– Mera: Sábado 21 – a partir das 13:30h – Praza da Lagoa