A gastronomía será un ano máis protagonista nas celebracións do carnaval en Neda. O Concello vén de abrir o prazo para inscribirse na merenda de entroido dos maiores. A iniciativa municipal desenvolverase o venres 20 de febreiro e, como é tradición non faltarán nin os produtos típicos destas festas nin o baile.
A cita terá lugar no centro cívico Ramón Millarengo, a partir das 18 horas. Incluirá música en directo, e unha variada oferta culinaria. Así, as persoas da terceira idade que se sumen poderán degustar variedade de produtos doces e salgados típicos destas festas. Ademais, haberá un sorteo de cestas de carnaval entre os participantes.
A merenda- baile será gratuíta para a residentes de Neda, que poderán apuntarse ata o 12 de febreiro na oficina de Servizos Sociais da Casa Consistorial. Se quedan prazas vacantes, abrirase un novo prazo ata o día 19 para que se inscriban persoas procedentes doutros municipios. Neste caso, terán que aboar 5 euros.
O Concello de Neda aposta deste forma, un ano máis, por combinar ha oferta de ocio do entroido propostas para toda a familia con outras para públicos específicos como esta festa de maiores, na que, claro está, quen queira poderá acudir disfrazado.