Alternativa dos Veciños votou favorablemente, durante a sesión plenaria, á designación dos novos membros e á actualización da composición do Consello Escolar Municipal (CEM), un paso imprescindible para reactivar estórgano de participación educativa.

Dende o grupo municipal valórase positivamente esta iniciativa, tendo en conta que o CEM acumulaba preto de trinta baixas nos seus membros de representatividade, o que impedía a súa convocatoria e dar unha resposta axeitada ás demandas do tecido educativo do municipio.

O CEM é a ferramenta legal que permite canalizar as reivindicacións da comunidade educativa e esixir á Xunta de Galicia melloras, como o aumento de especialistas -PT, AL e coidadores- para a atención do alumnado con necesidades educativas especiais, entre outros moitos asuntos de relevancia.

Alternativa confía que a convocatoria do CEM se produza a curto prazo, co obxectivo de que as demandas da comunidade educativa poidan transformarse en acordos oficiais cos que reclamar melloras ás administracións competentes.