• Reclama que a Secretaría municipal elabore o borrador con participación dos grupos políticos e dos sindicatos representativos e que se presente nun prazo máximo de tres meses

• Izaskun García: “O emprego público de Culleredo ten que ser impecable e o Concello ten a obrigación de evitar calquera sombra de dúbida”

O Partido Popular de Culleredo levará ao próximo pleno unha moción para impulsar a aprobación dun regulamento municipal que ordene o funcionamento e actuación dos tribunais de selección e o uso de medios electrónicos nos procesos de selección do persoal do Concello, co obxectivo reforzar a transparencia, a imparcialidade e a seguridade xurídica no acceso ao emprego público municipal.
O PP sostén que a experiencia recente en Culleredo, con procesos sometidos a reclamacións e suspicacias públicas, evidencia a necesidade de fixar criterios claros, comúns e públicos para “blindar” os procedementos e evitar que cada convocatoria xestiónese de forma distinta, reducindo así o risco de futuras reclamacións e conflitos. “Calquera sospeita sobre a limpeza dunha oposición prexudica aos aspirantes e dana a confianza na institución, no propio Concello”, sinala a portavoz popular, Izaskun García.
Por iso, o PP propón que a Secretaría municipal elabore un borrador do regulamento con participación de todos os grupos da corporación e dos sindicatos representativos, e que se presente a pleno nun prazo máximo de tres meses para o seu debate e aprobación. “O emprego público en Culleredo debe ser impecable e o Concello ten a obrigación de evitar calquera sombra de dúbida”, afirma García.
Os populares lembran que concellos como Vilalba ou A Fonsagrada xa aprobaron regulamentos específicos, reforzando a rastrexabilidade, a publicidade e a seguridade xurídica dos procesos: “É unha práctica viable, recomendable e perfectamente asumible tamén en Culleredo”.