Considera terrible e inimaxinable a situación que pode vivir un cidadán sen auxilio #ante unha crise de saúde ou un accidente doméstico

Presentará unha batería de preguntas sobre esta materia no próximo Pleno

O Partido Popular de Oleiros a través do seu Grupo Municipal, levará ao próximo Pleno ordinario o acontecido nunha vivenda de Beiramar esta semana onde se atopou a un home maior días despois do seu falecemento rodeado dunha provisión desmesurada de aveños e outros elementos diversos, que fan pensar en que podería padecer a síndrome de Diógenes.
“Non é a primeira vez nin será -desgraciadamente- a última en que nos enfrontemos a un acontecemento desta natureza”, lamentou Loli Silva, portavoz do Grupo Municipal Popular. “A tendencia xeral na sociedade en que vivimos provoca este tipo de situacións de autoaislamiento e de desconexión cos que nos rodean”, engadiu.
“Non sabemos o que se pode facer pero, desde logo, alentar a familiares, amigos, coñecidos ou veciños de persoas que viven soas, que poidan ter ou non algún problema de saúde, a que trasladen aos servizos sociais calquera dúbida que teñan sobre a súa saúde e benestar, o cal pode contribuír a que este tipo de acontecementos teña menor frecuencia”, apuntou Silva.
“Desde logo non responsabilizamos a ninguén pero se os Servizos Sociais do municipio dispoñen de protocolos nesta materia queremos coñecelos, que nolos expoñan e tamén que, se o precisan, o Concello dote aos mesmos dos medios necesarios para que se poidan levar a cabo.”
“Imos preguntar o número de casos de falecemento en soidade que se dan anualmente; cantos se deron no últimos dez anos; se existe constancia de situacións delicadas de saúde en persoas que viven soas, xa for física ou mental; que seguimento facíase das mesmas, con que frecuencia e con que medios”, apuntou a Portavoz Popular. “Queremos axudar e apoiar medidas que vaian dirixidas a dar seguridade e tranquilidade ás persoas que vivan soas.”