Manuel Carracedo Trigo, do Club Taekwondo ITF Carballo; Rubén Castro Andrade, do Molins Team Kick Boxing; Alejandro Felpeto Gesto, do Karate-Do Carballo; Xan Lamas Serrano, do Club Nauga; Mateo Pallas, do Cangas Frigoríficos del Morrazo; Tomás Pombo Álvarez, do CC Padronés Cortizo-Movistar Team Academy UCI; Andrés Prieto Villar, da Agrupación Deportiva Fogar; Javier Ramilo Queijo, de Yacar Racing, e Iván Amor Torres Louzao, do Gestión y Calor Córdoba, son os nove candidatos aos I Premios do Deporte Concello de Carballo na categoría de mellor deportista carballés, que será a máis disputada, á vista do elevado número de propostas presentadas.

O Consello Deportivo Municipal, integrado por representantes de todos os grupos políticos da corporación e do asociacionismo deportivo, recibiu un total de 50 candidaturas para as nove categorías dos Premios do Deporte, que serán entregados nunha gala pública que se celebrará o venres 19 de decembro, ás 20.00 horas, no auditorio do Pazo da Cultura.