O pleno municipal celebrado hoxe comezou coa lectura dun manifesto conxunto de todas as ANPA do municipio para reclamar “un ensino público axeitadamente dotado, inclusivo e de calidade ao que temos dereito e que polo tanto debemos esixir, porque só cun ensino público inclusivo e de calidade, poderemos acadar a igualdade de oportunidades para os nosos fillos e fillas”. A ANPA Valle Inclán, AFA Nós CEIP Juan de Vega, ANPA CEIP Luis Seoane, ANPA Ensino CEIP Rabadeira e ANPA Bidueiro CEIP Isidro Parga Pondal reclamaron que “os recursos mínimos necesarios para garantir que os centros públicos de educación infantil e primaria de Oleiros poidan realizar o seu traballo con normalidade e cumprindo cos estándares mínimos de calidade e de inclusión que a Lei contempla”.

Entre outros asuntos, a proposta do Goberno municipal, o pleno acordou solicitar á Deputación unha subvención por importe de 400.000 euros para a construción dun novo edificio de bancadas e vestiario no campo de fútbol O Redondo de Montrove. O Concello ten previsto realizar esta obra nos primeiros meses do ano, cun investimento total superior a 1,6 millóns.

MANIFESTO DAS ANPA: https://anpa-valle-inclan.mozello.com/novas/params/post/5174761/manifesto-das-anpas-e-afas-dos-centros-publicos-de-educacion-infantil-e-pri