· O Concello e Gallaecia Raid organizaron onte, sábado, dúas probas que uniron orientación, aventura e natureza.

· Participaron, en total, case 300 persoas.

Bergondo viviu onte unha xornada completa na que o deporte, a aventura, os desafíos e a natureza uníronse para deixar un inmellorable sabor de boca ás case 300 persoas que participaron na I Orientación Nocturna de Bergondo e a sexta proba da liga MTBO 2025, organizadas conxuntamente polo Concello e o club Gallaecia Raid.

Pola mañá, a proba da liga MTBO 2025, de orientación en bicicleta de montaña e puntuable como Campionato Xunta de Galicia en distancia media, deu o pistoletazo de saída á xornada. A carreira discorreu polos carreiros e pistas do municipio e constou dunha única proba en media distancia, cun percorrido secreto que os participantes coñeceron só no momento da saída.

Xa pola tarde-noite, o deporte volveu ser protagonista coa celebración da I Orientación Nocturna de Bergondo, na que participaron 218 persoas. Esta é unha proba popular que tiña o obxectivo de achegar esta disciplina ao conxunto da cidadanía.A carreira desenvolveuse en formato Rogaine, no que cada participante ou grupo debía deseñar a súa propia estratexia para alcanzar o maior número posible de puntos dentro do tempo establecido.

Celebráronse tres modalidades:

• Carrera longa (3 horas), pensada para orientadores experimentados.
• Carrera curta (1,5 horas), para quen buscaba menor esixencia física ou se iniciaban na orientación.
• Carrera infantil (1 hora), sen dificultade técnica, dentro das instalacións da Senra, especialmente pensada para nenos e nenas.

Resultados da proba de MTBO: https://fegado.es/events/view/e5vvxni51ptj/
Resultados da proba de Orientación Nocturna: https://liveresultat.orientering.se/followfull.php?comp=35314&lang=sv