A creación dun paso seguro para peóns na subida da praia de Gandarío ao aparcamento, proposta gañadora dos orzamentos participativos

· A proposta, que se incorporará nas partidas do orzamento municipal para 2026, foi seleccionada entre as 24 opcións viables presentadas.

· María Victoria González Molares, que presentou a proposta gañadora, recibirá o vale de 100 euros.

· Ademais, outras seis persoas que achegaron propostas que se consideraron interesantes recibirán cada unha un vale de 50 euros.

O Concello de Bergondo elixiu como a opción máis viable dentro do proceso de orzamentos participativos para 2026 a creación dun paso seguro para peóns na contorna da costa de subida da praia de Gandarío ao aparcamento.

A proposta, presentada por María Victoria González Molares, foi seleccionada entre as 24 opcións viables presentadas e incorporarase así nas partidas do orzamento municipal para o exercicio 2026.

As mellores propostas levan premio en forma de bonos para gastar no comercio local. No caso da gañadora recibirá un vale de 100 euros As outras 6 persoas participantes levan un vale de 50 euros cada unha.

A relación de gañadores é a seguinte:

• María Victoria González Molares: camiño seguro para nenos, deportistas e paseantes (na contorna da costa de subida de praia de Gandarío ao aparcamento).
• José Ramón Togores Hernani: bibliotecas libres de rúa (instalación de puntos de intercambio de libros).
• Sheila García Suárez: randeeiras e tobogán para o parque de Moruxo (había cinco propostas idénticas pero, por orde de entrada, esta foi a primeira).
• Rebeca Fernández Pérez: área de autocaravanas (habilitar unha área cos servizos necesarios para pernóitaa de autocaravanas).
• Esther #Vidal Zapatero: carreiro e carril bici de Carrio ao Mosteiro de San Salvador de Bergondo.
• Álvaro Muras Hermida: pasos de peóns iluminados para aumentar a seguridade.
• Noelia Fernández Ventureira: recuperación do Castro de San Fiz.

Entre as presentadas atópanse ideas que o goberno local considera interesantes pero que non se adaptaban a este proceso ou que se terán en conta para as incluílas noutros paquetes de investimento ou en solicitudes de subvención a outras administracións.

No goberno local sinalan que este mecanismo “funciona moi ben vos últimos anos e por iso queremos darlle continuidade. A veciñanza achega puntos de vista moi interesantes e dende ou goberno municipal sempre estamos dispostos a escoitar propostas que redunden non ben de Bergondo”.

A cidadanía decide

Un ano máis, o Concello de Bergondo volve contar cuns orzamentos participativos, que alcanzan xa a sétima dedición. Do mesmo xeito que en anos anteriores, reserva un máximo de 100.000 euros para financiar a mellor das propostas recibidas.

Con este sistema o goberno local busca dar voz aos veciños e veciñas de Bergondo e que estes propoñan as súas ideas para mellorar o municipio.

Os requisitos principais para a admisión de propostas, ademais de estar empadroado ou residir en Bergondo, eran: que fosen viables, que a súa execución dependese do Concello e non doutras administracións, e que tivesen un interese xeral ou parroquial.