O Concello reforza a seguridade viaria entre Cores e Santa Cruz coa nova pavimentación en ambas localidades

· As intervención realizáronse a través dun convenio de colaboración asinado coa Consellería de Medio Rural.

O reforzo da seguridade viaria e a mellora do estado das estradas continúa sendo unha prioridade para o goberno local. Así o demostran as obras recentemente concluídas na parroquia de San Martiño de Cores, entre os lugares de Cores e Santa Cruz.

As obras, executadas a través dun convenio de colaboración entre o Concello e a Consellería de Medio Rural, materializáronse na renovación do pavimento entre ambos os lugares da parroquia.

O alcalde, José Manuel Mato, apunta que a colaboración entre administracións continúa sendo “esencial para facer realidade as peticións da veciñanza”. O rexedor explica que nos vindeiros meses se manterá “esta liña de traballo, apostando por seguir realizando intervencións de mellora da seguridade viaria en todo o termo municipal”.