O Concello celebra o Magosto cunha xornada festiva para todos os públicos

· Terá lugar este sábado, 1 de novembro, na pista de San Cidre, xunto á Casa da Cultura.

O Concello de Bergondo celebrará este sábado, 1 de novembro, o seu Magosto, cunha completa programación de actividades que combina música, xogos e tradición, pensada para gozar en familia. A festa terá lugar na pista de San Cidre, xunto á Casa dá Cultura, e comezará ás 17:00 horas cunha festa infantil, na que os máis pequenos serán os protagonistas desta primeira parte da xornada.

A partir das 19:00 horas repartiranse as tradicionais castañas asadas, e máis tarde, ao redor das 22:00 horas, os asistentes poderán degustar caldo galego, outro clásico imprescindible destas datas.

A programación continuará ás 19:30 horas co Túnel do Terror, unha das actividades máis esperadas, e coa actuación musical do grupo O Curta, que animará a noite.

Como peche, ao finalizar o concerto, celebrarase unha foliada con grupos da comarca e arredores, que poñerán o broche final a unha xornada de festa ao redor da cultura e as tradicións galegas.