Toda a rede de alcantarillado de Oleiros está conectada a colectores e bombeos

Unha suposta asociación ecoloxista da Coruña, cun discurso e unha intencionalidade claramente política, pretende desprestixiar o Concello de Oleiros utilizando a mentira e a manipulación da realidade.
En Oleiros non existe ningunha rede de alcantarillado que verta directamente á ría nin ao mar. E é máis, no caso da ponte Pasaxe ao que se refiren, existe un bombeo baixo a ponte que recolle todas as augas residuais de Perillo e de gran parte do municipio; desde onde se impulsan ata a planta de Bens.
As redes que desembocan directamente no mar ou na ría –como as das fotos que envía a asociación ecoloxista- son as que recollen as augas pluviais, que por arrastres ou outro tipo de incidencias poden ver modificado a súa cor, olor ou aspecto, en función de determinadas circunstancias climatolóxicas; o que non supón que exista contaminación.
O burdo intento de desinformación desta suposta asociación queda patente cando se fai referencia tamén ao Paraíso, onde tal e como certificaron os técnicos do Concello e da Xunta (Augas de Galicia), non hai ningún vertido de augas fecais. Nese punto, o escurecemento puntual das augas pluviais que desembocan na ría é por terra que procede, principalmente, de escavacións en Montrove, igual que sucede en moitos outros cauces fluviais de calquera outro territorio.