Abegondo usará o POS+ Adicional para gasto corrente e prevé reinvestilo en obras en 2026

O rexedor avanza que se destinaría a obras de arranxo de beirarrúas, melloras de seguridade viaria e novos saneamentos.

O Concello aprobou, esta mañá, a primeira fase do POS+ Adicional da Deputación da Coruña. Tal e como explicou o alcalde, José Antonio Santiso, a contía provincial (241.556,87 euros) destinarase a gastos correntes de 2025. Con todo, como avanzou o primeiro edil, prevese que o importe que agora se destina a gasto ordinario poida incorporarse no orzamento de 2026 para a execución de novas obras para os veciños e veciñas.

O rexedor agradeceu que o ente provincial permita dedicar o POS a gasto ordinario. No caso de Abegondo, a contía empregarase, fundamentalmente, no pago de nóminas. Desta forma, “ou Concello poderá realizar vos proxectos e investimentos que consdiere oportunos, encargándose ou persoal municipal dá revisión e control dous traballos e axilizando a tramitación”. Santiso avanzou a súa intención de incorporar estes créditos no orzamento do próximo ano, destinándoos a intervencións como o arranxo de beirarrúas, a mellora da seguridade viaria en varios puntos do municipio e obras de saneamento.

O punto saíu aprobado co voto favorable dos concelleiros do PP e coa abstención do PSOE (o concelleiro do BNG escusou a súa ausencia por motivos persoais).