Os consellos parroquiais volverán en novembro para seguir fomentando a participación veciñal na xestión municipal

Os consellos parroquiais retomarán a súa actividade no mes de novembro. Dende o Concello de Carballo queremos seguir fomentando a participación veciñal na xestión municipal, e os consellos parroquiais constitúen dende o ano 2017 unha canle fundamental.

Nestes momentos están constituídos 16 consellos parroquiais, nos que participan de xeito directo máis de 300 veciños e veciñas, e moitos máis de xeito indirecto, xa que antes da reunión cos representantes municipais é habitual que a veciñanza celebre xuntanzas abertas para recoller as propostas que despois serán trasladadas aos representantes municipais.

Nos consellos parroquiais participarán o alcalde, Daniel Pérez, e representantes de todos os grupos políticos municipais. Por parte da veciñanza hai participación do movemento asociativo, aínda que as portas están abertas a aquelas persoas que queiran sumarse a título individual. O obxectivo destes órganos de participación veciñal é recoller as propostas da cidadanía para telas en conta á hora de decidir sobre o investimento dos fondos públicos.

Neste curso as sesións volverán celebrarse os xoves ás 20.00 horas. Este é o calendario provisional (no caso de que haxa que modificar algunha data comunicarase previamente):
• 6 de novembro, Aldemunde
• 13 de novembro, Ardaña
• 20 de novembro, Artes
• 27 de novembro, Bértoa
• 15 de xaneiro, Cances
• 22 de xaneiro, Entrecruces
• 29 de xaneiro, Goiáns
• 5 de febreiro, Lema
• 12 de febreiro, Noicela-Rebordelos
• 19 de febreiro, Oza
• 26 de febreiro, Razo
• 5 de marzo, Rus
• 12 de marzo, Sísamo
• 26 de marzo, Sofán
• 9 de abril, Verdillo
• 16 de abril, Vilela