A 26ª edición do Premio Emprende Coruña deu a coñecer esta tarde aos seus 13 candidatos

● Os candidatos mostraron as súas iniciativas en formato elevator pitch, evidenciando a diversidade e o potencial do ecosistema emprendedor coruñés .

● A gala de entrega do Premio Emprende Coruña 2025 celebrarase o 9 de outubro no Club Cámara Noroeste, onde se dará a coñecer o proxecto gañador desta 26ª edición.

A 26ª edición do Premio Emprende Coruña, o galardón que promove a Asociación de Novos Empresarios da Coruña (AJE) para recoñecer o talento, a innovación e o esforzo emprendedor na provincia, deu a coñecer esta tarde aos seus 13 proxectos finalistas.

O Human Intelligence Hub (HI) acolleu a presentación oficial, que comezou ás 19:00 horas cunha benvida na que se explicou o formato da xornada, baseada na técnica do elevator pitch para que cada iniciativa puidese presentarse de maneira breve e dinámica.

A vicepresidenta de AJE A Coruña, Beatriz García Cibreiro, abriu o acto, seguida de Gelines Romero, responsable de desenvolvemento de negocio do Human Intelligence Hub, quen destacou a importancia de espazos de encontro que favorezan a innovación e o emprendemento.

Os finalistas expuxeron as súas propostas en orde alfabética, dispoñendo de dúas a tres minutos para explicar a súa iniciativa. A diversidade de sectores evidenciou a fortaleza do ecosistema emprendedor coruñés. Estes son os proxectos seleccionados:

1. Auxua (Germán Alexander Herretes Balsa) – Construír ou reformar non ten por que ser unha dor de cabeza. En AUXUA fano fácil: planificación real, trato directo e compromiso de principio a fin. Escoitan, responden e cumpren.

2. Carla Souto – Asina de xoiería artesanal que crea pezas con narrativas emocionais, concibidas como esculturas vestibles. Traballa con metais finos e xemas de minería ética, colaborando con artesáns locais e preservando técnicas ancestrais.

3. Chichalovers (Graciela Castro Bea) – Marca gastronómica galega que reinventa o chicharrón en clave moderna. A través dunha cadea curta e sostible, conecta tradición e vangarda, ofrecendo o auténtico sabor da aldea nun bocado.

4. Equipo Idiomas (Laura García de Arana) – Academia de inglés na Coruña especializada no ensino a nenos e adolescentes de 3 a 18 anos. Ofrece reforzo escolar, sesións de xogo, conversación e actividades temáticas.

5. A Tribo Verde (Ana de Aspe Doldan) – Promove a sustentabilidade na cultura galega mediante plans para rodaxes, festivais e eventos, desenvolvemento de software propio de medición ambiental e un proxecto de compensación de emisións a través de reforestación autóctona.

6. Makkan Club (Óscar Roca Pérez) – Espazo natural en Oleiros, preto da praia de Mera, con instalacións versátiles -interiores e exteriores- para celebrar eventos únicos. Makkan significa fogar, un lugar onde todo é posible.

7. Metlabs (Pablo Gómez González) – Empresa de desenvolvemento blockchain especializada na tokenización de activos reais. Con sede na Coruña e un equipo de máis de 15 profesionais, impulsa solucións para Europa, Latinoamérica e Oriente Medio.

8. Consínteme: xogo e desenvolvemento (Macarena Sánchez Carnero) – Proxecto creado por unha terapeuta ocupacional que acompaña a bebés e familias na promoción da saúde e o desenvolvemento temperán, mediante acompañamento individual, clases grupais e formación.

9. Parteando (Marisol Mejuto Prego) – Servizo de acompañamento integral a familias desde a procura do embarazo ata o postparto e a lactación, con apoio baseado na evidencia para unha maternidade empoderada.

10. Salgueiro Llorona (Clara Armesto Lillo) – Florería sostible especializada en flores secas e preservadas. Ofrece arranxos únicos en liña e no seu local do Mercado de Elviña (A Coruña), ademais de talleres que convidan a conectar co presente.

11. Talento Grupo Internacional (Diego Carbajosa) – Consultora de RRHH que lidera procesos de recrutamento, selección e formación de persoal procedente de terceiros países, axudando ás organizacións para afrontar a escaseza de profesionais.

12. Uekko (David de la Fuente San Luís) – Solucións tecnolóxicas para estudantes que facilitan a organización académica e persoal, axudándolles a gozar da súa etapa e prepararse para a universidade e o mundo laboral.

13. Zebra Brain (Rocío Vega Martínez) – Boutique que aliña estratexia, persoas, procesos e intelixencia artificial. Ofrece Lira (IA para rendemento e benestar), Form4 (consultoría organizativa con integración de IA) e Punto+ (resolución científica de retos de negocio).

O evento concluíu cunha invitación para asistir á gala de entrega de premios, que se celebrará o vindeiro xoves 9 de outubro no Club Cámara Noroeste, onde se darán a coñecer os proxectos gañadores.

A 26ª edición do Premio Emprende Coruña conta co patrocinio principal de Vegalsa, Nordés Club Empresarial, EF Business School, Praza Hotel & Spa, 3DVR, Club Cámara, Coca-Cola, Estrela Galicia, El Ideal Gallego, Quincemil, Eventos Alborada, Human Intelligence Hub (HI) e Fundación Ronsel; o apoio de AJE Galicia, Xunta de Galicia, Deputación Provincial da Coruña, Concello da Coruña, Confederación de Empresarios da Provincia da Coruña (CEC) e a UDC; así como a colaboración especial de Altavela, Atlántico Avogados, Alcázar Patentes e Marcas e Solórzano & de Avilés.

O encontro finalizou cun espazo de picoteo e networking, que permitiu aos asistentes intercambiar ideas e xerar novas sinerxias nun ambiente distendido.