Dez anos de contaminación nas praias urbanas de Sada: unha constante baixo o mandato do Sr. Portela

O Partido Popular de Sada, a través do seu portavoz municipal Esperanza Arias, denuncia publicamente a persistente contaminación microbiológica nas augas de baño das praias urbanas do municipio, especialmente na zona da praia das Delicias, unha situación que se repite de forma sistemática desde fai dez anos.

Os datos oficiais publicados pola Consellería de Sanidade da Xunta de Galicia evidencian que, verán tras verán, rexistráronse niveis preocupantes de contaminación nestas augas, con reiteradas advertencias de non bañarse por risco sanitario. Esta situación afecta tanto os veciños de Sada como aos visitantes que acoden a gozar da nosa contorna costeira, e coincide —non por casualidade— cos dez anos de mandato do Sr. Benito Portela á fronte do goberno local.

Desde o Partido Popular de Sada consideramos inadmisible que, durante unha década, non se deu unha resposta eficaz nin se puxo en marcha un plan de saneamento integral que garanta a calidade das augas e a seguridade dos bañistas. A inacción do goberno local ha convertido o que debería ser un espazo de lecer e saúde nun foco de risco e desprestixio para o municipio.

A portavoz Esperanza Arias subliña:
“Dez anos de datos non deixan lugar a dúbidas: a contaminación nas nosas praias non é un feito illado, é unha constante. E esa constante ten nome e apelidos: Benito Portela.”
O Partido Popular de Sada esixe explicacións inmediatas, e a adopción urxente de medidas correctoras. Non se pode seguir ignorando un problema que afecta directamente á saúde pública, ao turismo e á imaxe de Sada.

Evolución da calidade microbiológica na praia urbana de Sada Delicias (2015–2025)
Ano Clasificación sanitaria Observacións
2015 Insuficiente Recomendación de non baño
2016 Insuficiente Persistencia de contaminación fecal
2017 Insuficiente Risco sanitario reiterado
2018 Insuficiente Risco de exclusión como zona de baño
2019 Suficiente Mellora puntual tras obras
2020 Insuficiente Recaída en niveis críticos
2021 Insuficiente Recomendación de non baño
2022 Suficiente Clasificación provisional
2023 Insuficiente Persistencia de episodios contaminantes
2024 Insuficiente Advertencia oficial de risco sanitario
2025 Insuficiente Tres episodios de contaminación fecal; desaconsellado o baño en agosto

En agosto de 2025, a Dirección Xeral de Saúde Pública desaconsellou o baño en As Delicias, San Pedro e Arnela por niveis de E. coli superiores a 2000 unidades/100 ml, moi por encima do limiar permitido. Aínda que as últimas mostraxes do 17 de agosto mostraron unha mellora puntual, a clasificación sanitaria segue sendo insuficiente, o que confirma a tendencia dos últimos anos.