Muxía leva a pleno unha inversión de máis de 310.000 € para mellorar accesos, saneamento e abastecemento de auga

O goberno municipal aposta por servizos básicos esenciais que repercuten directamente na veciñanza

O Concello de Muxía levará ao pleno do próximo luns unha proposta de investimentos por un importe total de 310.178,45 € dentro do POS+ Adicional 2/2025 da Deputación da Coruña.

As actuacións previstas céntranse en tres proxectos fundamentais:

1. Mellora dos accesos a Castelo e A Granxón – 223.653,38 €

2. Reparación e mellora do bombeo en Os Muíños – 30.098,57 €

3. Suministro e instalación de contadores en depósitos de auga, sistemas de control, regulación de bombas e telecontrol de consumos – 56.426,50 €

Con estas obras, o goberno municipal quere garantir o abastecemento de auga, evitar consumos anómalos, mellorar o saneamento e dotar de accesos en condicións ás parroquias, respondendo así a unha demanda histórica da veciñanza.

—

Declaracións do alcalde de Muxía

“O noso compromiso é claro: apostar polos servizos básicos esenciais. Nos últimos anos non se fixeron investimentos para mellorar a traída de auga, e iso provocou que tiveramos que recorrer en moitas ocasións a camións cisterna. Con estas actuacións queremos solucionar eses problemas, mellorar o abastecemento e reducir o impacto económico que supoñía para o Concello.

Son tres investimentos básicos: accesos, saneamento e auga. É un primeiro paso, pero un paso firme para dar resposta ás necesidades reais da nosa veciñanza. Seguiremos traballando para que Muxía conte cos servizos que merece”.