O contrato de limpeza de edificios públicos, cun valor estimado de 4.658.364,40 foi troceado en tres lotes dos que dous foron adxudicados á única empresa que se presentou.
O BNG esixiu ao goberno de José Ramón Rioboo o establecemento de medidas preventivas que eviten recaer en prácticas que o Consello de Contas denomina como “riscos no ámbido da contratación públicas”.
O BNG de Culleredo dará traslado do acontecido neste proceso de contratación á Comisión Galega da Competencia, para que esta valore a existencia de prácticas que atenten contra os principios da libre concorrencia.
O Pleno Municipal de Culleredo co voto en contra do BNG, ven de adxudicar os tres lotes nos que trocean o contrato de limpeza de edificios municipais, con evidentes indicios do que o Consello de Contas, nun recente informe sobre as prácticas de contratación do Concello de Culleredo, sinala como “parámetros que na contratación pública poden levar á súa consideración como <<bandeiras vermellas>> ou indicios para a súa consideración como riscos no ámbito da contratación pública”. A concorrencia dunha soa empresa a un procedemento de contratación.
Dous deses lotes foron adxudicados á única empresa que optou a eles. Esta empresa tamén se presentara ao terceiro lote, pero non resultou entre as ofertas mellor valoradas.
O Consello de Contas xa indicara ao Concello de Culleredo a necesidade de “mellorar a calidade dos seus procesos de contratación pública e introducir racionalidade no uso dos recursos públicos, libre concorrencia, transparencia e integridade, así como a favor da loita contra a corrupción”.
O BNG de Culleredo fai o posible por que se usen ben os recursos públicos e esixe da Corporación presidida por José Ramón Rioboo o seguimento das recomendacións emitidas polo órgano de control das contas públicas, establecendo medidas preventivas que garantan a transparencia e a efectiva competencia en todas as contratacións públicas.
Deja un comentario
Lo siento, debes estar conectado para publicar un comentario.