Inés Rey recibe ás catro agrupacións que participan desde hoxe no Festival Internacional de Folclore Cidade da Coruña

Desde hoxe e ata o domingo haberá actuacións diarias no Campo da Leña e María Pita

A alcaldesa, Inés Rey, recibiu esta mañá no palacio municipal de María Pita ás catro formacións que participarán desde hoxe e ata o domingo 17 no Festival Internacional de Folclore Cidade da Coruña. Tratase de Kirqui Wayra Compañía de Danzas Tradicionales de Chile, Zespol Piesni i Tanca Lany de Polonia, Ballet Jammu de Senegal e a Asociación de Coros y Danzas Eidos a Asociación de Coros e Danza Eidos da Coruña. A rexedora estivo acompañada polo concelleiro de Cultura e Turismo, Gonzalo Castro, e o presidente de Eidos, Javier Carro.

“Este Festival Internacional de Folclore é, sen dúbida, unha das citas máis especiais e imprescindibles das nosas Festas de María Pita”, sinalou Inés Rey durante a súa intervención. A alcaldesa destacou o importante papel a prol da “diversidade e a promoción do patrimonio cultural internacional” que ten este certame, que celebra a súa edición número 38 neste 2024. “Durante uns días os coruñeses e coruñesas terán a oportunidade de coñecer a esencia de diferentes culturais, as súas costumes, traxes, vestimentas e tradición oral e musical”, dixo Rey.

A alcaldesa entregou durante a recepción oficial un agasallo a cada compañía, ao igual que fixeron estas co Concello. Rey quixo tamén felicitar á Asociación de Coros e Danza Eidos polo seu traballo na organización deste certame.

Programa completo do Festival Internacional de Folclore

Mércores 13 de agosto

Ás 20:00 h: Actuación no Campo da Leña. Gala inaugural.

Grupos participantes:

Asociación de Coros e Danzas “Eidos” – A Coruña (España)
Zespół Pieśni i Tańca Łany – Polonia
Ballet Jammu – Senegal
Kirqui Wayra Compañía de Danzas Tradicionales – Chile
Xoves 14 de agosto

Ás 19:00 h: Presentación no Cantón Grande (Polonia e Senegal) e na Dársena da Marina (Chile).

Ás 20:00 h: Actuación no Campo da Leña.

Grupos participantes:

Ballet Jammu – Senegal
Kirqui Wayra Compañía de Danzas Tradicionales – Chile
Zespół Pieśni i Tańca Łany – Polonia
Venres 15 de agosto

Ás 19:00 h: Presentación no Cantón Grande (Chile) e na Dársena da Marina (Polonia e Senegal).

Ás 20:00 h: Actuación no Campo da Leña.

Grupos participantes:

Kirqui Wayra Compañía de Danzas Tradicionales – Chile
Zespół Pieśni i Tańca Łany – Polonia
Ballet Jammu – Senegal
Sábado 16 de agosto

Ás 19:00 h: Desfile por Palexco, Dársena e Praza de María Pita.

Ás 20:00 h: Actuación na Praza de María Pita.

Grupos participantes:

Zespół Pieśni i Tańca Łany – Polonia
Ballet Jammu – Senegal
Kirqui Wayra Compañía de Danzas Tradicionales – Chile
Domingo 17 de agosto

Ás 19:00 h: Desfile por Cantón Grande, Rúa Real e Praza de María Pita.

Ás 20:00 h: Actuación no Campo da Leña. Gala de clausura do festival.

Grupos participantes:

Kirqui Wayra Compañía de Danzas Tradicionales – Chile
Zespół Pieśni i Tańca Łany – Polonia
Ballet Jammu – Senegal
Asociación de Coros e Danzas “Eidos” – A Coruña (España)