As Festas de María Pita encherán os barrios de maxia, música, teatro, danza, malabares e humor cunha nova edición de Cascarillarte

A programación familiar estenderase desde este martes 12 ata o sábado 30 de agosto

As Festas de María Pita estarán presentes na práctica totalidade dos barrios da cidade cunha programación familiar, orientada ao público máis novo, que poderá gozar da maxia, a música, o teatro, os malabares e o humor que se ofrece a través de Cascarillarte. “Desde o Goberno de Inés Rey mantemos a nosa aposta de que as festas cheguen a todos os barrios e sexan para todos os públicos, cunha programación variada na rúa”, indicou Gonzalo Castro, concelleiro de Cultura e Turismo.

Con ata 16 espectáculos diferentes nas que as artes escénicas son as protagonistas, o programa festivo percorrerá as distintas zonas da cidade para lles achegar a cultura e a diversión ás coruñesas e coruñeses, con actividades pensadas para toda a familia e especialmente para o público infantil.

As Atochas – Monte Alto, Labañou e San Roque, a Agra do Orzán, Elviña e Monelos, o Ensanche, Oza – A Gaiteira e Os Castros, Matogrande, O Castrillón, Eirís, Palavea, Vioño, Os Mallos e Sagrada Familia, Santa Margarida e Mesoiro serán as zonas nas que a programación de Cascarillarte achegará as artes escénicas a todo o público.

A partir deste próximo martes 12 e ata o sábado 30 de agosto, a diversión encherá as principais prazas da cidade xa que é o humor o nexo común de todos os espectáculos que se desenvolverán nos barrios dentro da programación das festas. Danza, teatro, clown, malabares, monólogos, contos, maxia, estarán presentes nos máis variados recunchos da cidade durante todo o mes, nunha programación que se complementará coas tradicionais festas nos barrios.

Programación completa

 Martes 12: ‘Charlatán Rodríguez’, de Rendos Pequeno – Campo da Leña – 19.30horas
 Mércores 13: ‘O Chontófano de Dorothé’, de Sonsoles Penadique – Palavea –19.30 horas
 Xoves 14: ‘Vicki e a felicidade’, de Bandullo Azul – Praza de Tabacos – 19.30horas
 Sábado 16: Antuan de la Cream – A Gaiteira – 19.30 horas
 Luns 18: ‘Ecoralia, a lambona ecolóxica’, de Pakolas – Praza de Vigo – 19.30horas
 Martes 19: ‘Contos de nenas grandes e pequenas’, de Tropa de Trapo – Parquede Eirís – 18.00 horas
 Martes 19: ‘Zona en obras’, de Brais das Hortas – Parque de Eirís – 19.30 horas
 Mércores 20: ‘Abracadaver’, de Assircópatas – Praza das Conchiñas – 19.30horas
 Xoves 21: ‘Picadiscos Marifaltri’, de María Faltri – Parque infantil de Matogrande –19.30 horas
 Venres 22: ‘Crunch 2’, de Muu – Praza de Pablo Iglesias – 12.00 horas
 Venres 22: ‘Peor imposible’, de Peter Punk – Parque de San Rosendo – 19.30horas
 Sábado 23: ‘Experiencias en Familia’, de Mago Rafa – Aparcadoiro da Fábrica deArmas – 19.30 horas
 Luns 25: ‘As palabras perdidas’, de Inventi Teatro – Explanada do CCM de NovoMesoiro – 19.30 horas
 Martes 26: ‘Alquimia’, de Mago Teto – Praza Elíptica dos Rosales – 19.30 horas
 Mércores 27: ‘Caderno de Cores e Cancións’, de Magín Blanco – Parque deVioño – 19.30 horas
 Sábado 30: ‘Ondamini’, de Mamá Cabra – Parque de Santa Margarida – 19.30horas