O Festival Noroeste Estrella Galicia chega este venres a Riazor cunha noite dedicada aos artistas galegos

O Portiño estreará o seu Mercado de la Cosecha con actuacións musicais e propostas de proximidade

Gustavo Almeida, Revel Velvet, Experimento Basement, Roda Door, Nordés, Scarecröw, McEnroe, Rapariga DJ, Doctor Snob, Leria, Carlos Ares, Luar na Lubre e Grande Amore, as propostas da terceira xornada

O venres 8 de agosto vén marcado pola celebración da terceira xornada de XXXVIII Festival Noroeste Estrella Galicia, coa estrea dos escenarios da praia de Riazor e O Portiño. Gustavo Almeida –o primeiro en actuar ás 13:00 horas en Campo da Leña–, Revel Velvet, Leria, Experimento Basement, Roda Door, Nordés, Scarecröw, Rapariga DJ, McEnroe, Doctor Snob, Carlos Ares, Luar na Lubre e Grande Amore (que finalmente comezará ás 00:45 horas), as propostas.

Desde as 11:30 horas estará aberto de novo o Mercado de Discos do Noroeste, que este ano cumpre catro edicións. Creado co obxectivo de establecer un punto de encontro musical na Coruña, reunirá a coleccionistas, expositores, selos e distribuidoras de soportes fonográficos, incluíndo vinilos e CD’s. O acceso será libre para todos os públicos.

Quenda tamén para unha das principais novidades desta edición, xa que volve o Mercado de la Cosecha na nova localización do Portiño. Farao desde as 15:30 horas e ata as 20:00 horas nun espazo que dará visibilidade a proxectos exemplares do rural como Cortes de Muar, Airas Moniz, Mariñeiras Daveiga, Versos da Ruda, A Castrexa, Os Biosbardos, Horta da Lousa e Galo Celta. Alí tamén comezarán os concertos coa sesión de Rapariga DJ ás 16:00 horas.

Programación completa para os vindeiros días

Venres 8 de agosto
13:00h – Gustavo Almeida (Campo da Leña)
14:00h – Revel Velvet (Azcárraga)
16:00h – Rapariga DJ (O Portiño)
16:30h – Experimento Basement (Azcárraga)
16:15h – Roda Door (Azcárraga)
18:00h – Nordés (Azcárraga)
19:00h – McEnroe (Castelo de Santo Antón)
19:00h – Scarecröw (Azcárraga)
20:00h – Doctor Snob (Campo da Leña)
21:00h – Carlos Ares (Playa de Riazor)
22:30h – Luar na Lubre (Playa de Riazor)
00:00h – Grande Amore (Playa de Riazor)

Sábado 9 de agosto
13:00h – Raphael de la Ghetto (O Portiño)
16:30h – Señora DJ (O Portiño)
21:00h – Guadi Galego (Playa de Riazor)
22:30h – Siloé (Playa de Riazor)
00:00h – The Vaccines (Playa de Riazor)

Domingo 10 de agosto
13:00h – EME DJ (O Portiño)
16:00h – DJ Peligro (O Portiño)