Liberada unha persoa cuxo brazo quedara atrapado nunha máquina de enrolar no concello de Monfero

Os bombeiros do parque provincial do Eume acudiron sobre as 12:15 horas de hoxe ata o Alto do Xestoso, en Monfero, despois de que a unha persoa lle quedara un brazo atrapado nunha máquina de enrolar a herba.

Os profesionais tiveron que liberar o brazo da vítima con equipos de excarceración para que posteriormente fose trasladada ao hospital Arquitecto Marcide en Ferrol.