Incendio nun pequeno almacén en Cercedo, Concello de Ordes

Os bombeiros do parque Provincial de Ordes recibiron o aviso sobre as 00:32 horas da pasada madrugada debido a un incendio nun pequeno almacén que tiña diversas ferramentas e materiais de construción, en Cercedo, no Concello de Ordes.

Á súa chegada ao lugar, os bombeiros provinciais controlaron o lume e, unha vez extingido, procederon a arrefriar toda a zona para asegurar o lugar da incidencia.