O Concello de Cariño acolle a representación de ‘Costa da Morte: Cartografía dun naufraxio’

• A obra de Mariña Lestón recupera e visibiliza vivencias de naufraxios na Costa da Morte.

A Praza dá Puída foi escenario onte, venres 4 de xullo, da representación da obra ‘Costa da Morte: Cartografía dun naufraxio’, dentro da xira de presentación desta coprodución do Centro Dramático Galego coa creadora Mariña Lestón. Á cita acudiron máis dun centenar de persoas.
No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.

Esta proposta de teatro unipersoal escrita, producida e interpretada por Mariña Lestón, se programa en enclaves emblemáticos do litoral galego, como o Concello de Cariño, apostando por unha posta en escena inmersiva que conecta ao espectador co pasado mediante a forza da narración, a música en directo e un compoñente visual cargado de simbolismo.