Máis de 150 persoas participan nunha sardiñada no Club de Xubilados de Lousame

Máis de 150 persoas participaron na sardiñada organizada pola Asociación Club de Xubilados de Lousame, en colaboración co Concello de Lousame, e que tivo lugar na contorna do seu local en Aldeagrande. Unha sardiñada de San Xoán que se adiantou á data oficial para así non coincidir coas festas locais e permitir a asistencia dun maior número de persoas.

 

O tempo acompañou e os maiores desfrutaron dun menú no que as sardiñas asadas estiveron acompañadas por pan de broa e chourizos á grella. A música correu a cargo do grupo noiés “Aires de Broña”. Ao acto asistiron os concelleiros de Obras, Ramón Martínez; Deportes, Mariel Agrafojo; e Protección Civil, José Antonio Ces.