Unha persoa ferida tras un accidente de tráfico no lugar de Orro, no concello de Noia

Os bombeiros do parque provincial de Boiro desprazáronse esta pasada noite ata o lugar de Orro, no concello de Noia, por un accidente de tráfico por alcance no punto quilométrico 69 da AC-550 e que se saldou cunha persoa ferida.

Foi o 112 quen deu o aviso ás 21:05 horas. A vítima, condutora dun dos vehículos implicados, foi trasladada en ambulancia.

O GES de Noia tamén participou no operativo regulando o tráfico.